By : Moamen Ashraf

((( كل المعلومات عن الدراسة في تركيا بالتفصيل )))
الدراسة في تركيا :






معلومات هامة جدا ..
1- متسافرش بفيزا سياحية وتقول هروح هناك ادور على جامعه واقدم فيها وأدرس .. لأن الجامعة لن تسمح لك بالتسجيل إلا وانت معاك ((( فيزا طالب ))) ودي مش بتطلع غير من السفارة التركية في مصر .. يعني هترجع تاني 
- يعني استنى لما تتقبل في جامعه وبيها هتاخد ( فيزا الطالب ) من السفارة

2- متسحبش ورقك من الجامعه أبدا إلا بعد السفر والاستقرار في الجامعه اللي هتتقبل فيها ان شاء الله
الدراسة في تركيا ليها طريقين : 
1- انك تبدأ من الأول 
2- استكمال الدراسة


أولا .. اللينك ده عليك كل التحديثات عن الجامعات اللي فتحت التقديم ليها في تركيا لعام 2015-2016 والإستكمال أيضا ، ويُحدث بشكل مستمر 

https://www.facebook.com/photo.php?fbid=10204913788032630&set=gm.465011343665331&type=1&hc_location=ufi







((((((((((((((((((((((((((((( أولا : انك تبدأ من الأول )))))))))))))))))))))))))))))))

1- المنحة :

بتفتح في شهر 4 كل سنة للبكارليوس ، وشهر 3 للماجستير 
الأوراق المطلوبة للبكارليوس : 
1- شهادة الثانوية العامة 
2- جواز السفر

** في الاستمارة تختار 12 رغبة ، لازم يكون منهم 6 رغبات على الأقل خارج مدن اسطنبول وانقرة وازمير ، وإلا ستكون استمارتك ملغية

** اختار كلية تناسب مجموعك لأن المنافسه بتكون عاليه

** قدم كل الشهادات اللي معاك ، وحاول تكون معاك لغة انجليزي ( تويفل او ايليتس ) 

وشهادات العمل التطوعي وخدمة المجتمع بتزود فرصتك في القبول


2- على حسابك الخاص :

الأوراق المطلوبة : 
1- شهادة الثانوية العامة 
2- بيان درجات ( 1&2 بتطلع من إدارة الإمتحانات بالسيدة زينب - وتكون انجليزي ) 
3- جواز السفر 
4- صورة شخصية 
5** بعض الجامعات بتحتاج equivalence letter وده بيطلع بشهادة الثانوية العامة .. من السفارة التركية في مصر ( شارع الفلكي )
كل الورق ده بتترجمه للتركي .. وتوثقه من السفارة





عنوان مكتب الترجمة : 
عند ميدان طلعت حرب .. اسأل على مصر للتأمين .. الدور التاني في عمارة مصر للتأمين 
سعر الورقه من 70:100 جنيه مصري

ملحوظة ( تكاليف السكن والمعيشه عليك مش على الجامعه )

الدراسة من البداية ليها جامعات خاصة وجامعات حكومية ..

الجامعات الخاصة ( تبدأ من 2500$ في السنة ) :

1- جامعة إسطنبول زعيم ( 2500$ في السنة ) 
http://www.izu.edu.tr/en-US/io/Forms/IntStudentAppForm.aspx

2- جامعة اسطنبول أيدن ( 6000$ في السنه )
https://appform.aydin.edu.tr/

3- جامعة السلطان محمد الفاتح ( 7000$ في السنه - وممكن تاخد منحة )
http://www.fsm.edu.tr/form/iro_apply_now.php






4- جاعة باهشاهير ( 7900$ في السنه )
http://international.bahcesehir.edu.tr/future-students/

5- جامعة اسطنبول شاهير ( 13000$ في السنه وبتاخد منحه بتبقى 6 الاف دولار ) 
http://www.sehir.edu.tr/…/InternationalStudentApplicationFo…


الجامعات الحكومية ( حوالي 1000$ في السنه ) :

1- جامعة usak 
http://yobs.usak.edu.tr/login.aspx

2- جامعة aksaray 
http://iso.aksaray.edu.tr/default.asp?id=328
( وتتم بمراسلة الجامعة على البريد iso@aksaray.edu.tr )

3- جامعة yildirim beyazit 
http://obs.ybu.edu.tr/oibs/ogrsis/basvuru_yabanci_login.aspx

4- جامعة sakaray 
http://www.int.sakarya.edu.tr/

5- جامعة AIBU 
http://oidb.ibu.edu.tr/index.php

6- جامعة gazi
http://ogris.gazi.edu.tr/?language=tr_TR







7- جامعة gaziantep
http://gul3.bim.gantep.edu.tr/~applicationform/

8- جامعة hecettepe
http://www.oid.hacettepe.edu.tr/web_eng/index_sub.php

9- جامعة izmir 
http://www.izmir.edu.tr/iro/international-students/application-form.html


10- جامعة mercin 
http://www.mersin.edu.tr/eng/mersin-university/student-affairs

( وتتم بمراسلة الجامعة على إيميل meuoidb@mersin.edu.tr )


(( ممكن تلاقي جامعات تانية لو بحثت في اللينك ده

http://www.studyinturkey.gov.tr/universities ))





.
.
(((((((((((((((((((((( ثانيا .. التحويل - الإستكمال - ))))))))))))))))))))))))))))

ملحوظة .. ليست منحة لمصريين ، ولكن تكاليف الدراسة حوالي 5000 جنيه مصري في السنه

أهم الأوراق المطلوبة :
- شهادة قيد موثقه من الجامعه ومن الخارجية ( مش مهمة أوي )
- شهادة درجات مواد موثقة ايضا
- توصيف مواد موثق من الكلية والجامعه 
- شهادة الثانوية العامة ( متسحبهاش مالكلية .. طلعها من ادارة الامتحانات بالسيدة زينب )


** الجامعات خارج المدن التلاته دي مستواها قليل عن مستوى جامعات مصر .. او معظمها كذلك
** التحويل مش بمنحة ومش معفي من الرسوم الدراسية غير للسوريين فقط

- جربت بنفسي التواصل مع مكاتب الطلاب الأجانب في جامعات خارج المدن الثلاثة .. ولاقيت 
1- الدراسة باللغة التركية ( إلا اذا كان معاك شهادة اجادة انجليزية زي تويفل او ايلتس )
2- اللي مش معاه تركي بيدرس سنه تركي قبل ما يدخل الجامعه نفسها

الطريق هوا مراسلة الجامعه اللي انت عاوزها .. 
إزاي ؟ 

- بتدخل عالموقع بتاع أي جامعه من هنا

http://www.studyinturkey.gov.tr/universities 







.. تضغط على student Affairs وتشوف فين الايميل بتاع المراسلة وتبعتلهم عليه وغالبا بتخلي عنوان الرسالة Foreign Students Transfer 
وبتبعت ورقك في الميل وتنتظر الرد


((( العمل في تركيا للطلاب ))) 
فرص العمل في تركيا لأجانب ليست سهلة ، ولازم يكون معاك لغة تركي عشان تلاقي شغل .. المرتبات تتراوح من 350:500 دولار في الشهر .. لو معاك تركي كويس






((( السكن )))
- السكن يكون في المدينة الخاصة بالجامعة - والمدينة بدون طعام - وتكلفة الشهر فيها حوالي 60$-100$
- السكن خارج المدينة الجامعه في شقة طلاب .. حوالي 100$ في الشهر


ترتيب خطوات الدراسة في تركيا التي يجب أن يسير عليها الراغب في الدراسة في تركيا بشكل قانوني .. وبلا مشاكل سواء الجدد أو المحولين ..الجمعة أو الدراسات العليا:

1- أن يتقدم إلى الجامعة المرغوبة على الإنترنت أو بالمراسلة (أو على موقع منحة الدولة إذا كان متاحا له) 

2- بعد القبول المبدئي من الجامعة تقوم بإرسال خطاب القبول إلى الطالب بمسمى Acceptance letter (قد تطلب الجامعات الخاصة تحويل جزء بسيط من المبلغ الذي سيتم دفعه كمقدم لضمان الجدية قبل إرسال الخطاب - يتراوح من 100 - 250 دولار)

3- يتوجه الطالب إلى سفارة تركيا مصطحبا خطاب القبول الجامعي للدراسة في تركيا ويقدم على تأشيرة طالب

4- بعد الحصول على تأشيرة الطالب يستطيع السفر إلى تركيا كطالب ودخولها بتلك التأشيرة حيث سيكون مؤهلا للحصول على إقامة طالب .. وفي حال دخل الراغب في الدراسة إلى تركيا بغير فيزا الطالب فإنه سيكون ملزما بالمغادرة في موعد انتهاء التأشيرة إلى خارج تركيا والدخول مرة أخرى بفيزا الطالب .. والتي لايمكنه الحصول عليها إلا من بلده أو من دولة له إقامة فيها .. 

5- بعد وصول الطالب إلى تركيا بفيزا الطالب .. يتوجه للجامعة لتقديم بقية أوراقة الأصلية .. والمترجمة .. وهناك بعض الجامعة تشترط أن يتوجه إلى جهة تسمى مكتب معادلة الشهادات والوثائق .. ليترجم الشهادة .. ويعادلها على مستوى درجات تركيا ..

6- يحصل الطالب بعد انتهاء تقديم أوراقه على إفادة طالب من الجامعة يمكنه حينها أن يقدم على الإقامة طويلة الأجل من على الانترنت موقع مديرية الأمن .. والإجراءات 4.5.6. يجب أن تتم خلال فترة التأشرة والتي تكون غالبا شهر






فيزا الطالب : 
تستخرج من السفارة التركية بمصر بالأوراق التالية : 
1- جواب قبول الجامعة 
2- جواز السفر
3- استمارة تملأ من السفارة 
( مدة عملها حوالي اسبوع )

تصريح السفر : 
يستخرج من منطقة التجنيد التابع ليها الطالب بالأوراق التالية : 
1- صورة البطاقة 
2- اثبات القيد 
3- 4 صور شخصية 
4- فيزا الطالب 
5- جواز السفر

((( أي سؤال أو معلومة ابعت رسالة )))






#شير

https://www.facebook.com/moamen003

يمكنك التقديم من خلالنا إلى الجامعات التركية .. كل ما عليك هو الضغط على الزر في الأسفل